சிறிலங்கா ரூபாவின் மதிப்பு இன்று மேலும் சரிந்தது

அமெரிக்க டொலருக்கு எதிரான சிறிலங்கா நாணயத்தின் மதிப்பு இன்று காலை மேலும் சரிந்துள்ளது. 

நேற்று அமெரிக்க டொலருக்கு எதிரான சிறிலங்கா நாணயத்தின் மதிப்பு 132.20 ரூபாவாக காணப்பட்டது. 

ஆனால் இன்று காலை சிறிலங்கா நாணயத்தின் மதிப்பு மேலும் வீழ்ச்சியடைந்து 133.20 ரூபா என்ற சாதனை அளவை எட்டியது.  

அதேவேளை. சிறிலங்கா மத்திய வங்கி அமெரிக்க டொலர் ஒன்றை நேற்று 133.16 ரூபா வீதம் வங்கிகளுக்கு விற்பனை செய்திருந்தது. 

சிறிலங்கா ரூபாவின் மதிப்பு கடந்த சில வாரங்களாகவே நாளுக்கு நாள் வீழ்ச்சியைச் சந்தித்து வருவதால், முதலீட்டார்கள் அமெரிக்க டொலரில் முதலிடுவதில் ஆர்வம் காட்டி வருகின்றனர்.